Бугунги асосий экологик муаммо – атмосфера ҳавосининг ифлосланишида она заминнинг табиий фильтри бўлган ўрмонларнинг кескин камайиб кетганлиги бош сабаб. Чунки, дарахтлар аввало чангни, тутун ва ҳаводаги бошқа газларни зарарсизлантиришда муҳим ўрин тутади. Кейинги йилларда ўрмонларни кескин қисқариши нафақат табиатга, балки инсоният келажагига ҳам жиддий хавф соляпти.

Бугун мамлакатимиздаги экологик вазият жиддий ҳолатга келган. Атмосферанинг ифлосланиши ортидан аҳоли орасида касалликлар кўпайди, ҳаводаги чанг ва тутун миқдори кун сайин ортиб боряпти. Афсуски, бунда нафақат ташқи таъсирлар ва антропоген омиллар, балки ҳамюртларимизнинг эътиборсизлиги ҳам бор.

Юрт ободлиги, поклик ва саранжомлик нафақат шаҳар ва қишлоқлар, балки хонадонларга ҳам файзу-барака олиб киради. Шу боис халқимизда азалдан атрофни тоза сақлаш масаласига алоҳида эътибор берилади. Таассуфки, ҳозирда айрим ҳудудларда бу борадаги камчиликлар кўзга ташланиб қоляпти.

Тиб илмининг отаси, буюк салоҳиятли аллома, улуғ олим Абу Али Ибн Сино атроф-муҳит, ундаги унсурлар – тоза сув, ҳаво ва тупроқнинг инсон ҳаётидаги аҳамияти ҳақида ғоят ўринли фикрлар билдирган. Ушбу унсурларнинг ифлосланиши, таркибининг ўзгариши кишилар ҳаёти ва соғлиғи учун жиддий зарарларни келтириб чиқаради.

Бугун “Андижонсувтаъминоти” акциядорлик жамиятида Ўзбекистон Экологик партияси Андижон вилояти Кенгаши томонидан “Мавжуд оқава сувларни тозалаш иншоотларининг бугунги холати, муаммолар ва таклифлар” мавзусида жамоатчилик эшитуви ўтказилди.

Бугун Кадастр агентлиги ҳамда давлат кадастрлари палатаси вилоят бошқармаси ҳамкорлигида Ўзбекистон Республикасининг 2024 йил 5 августдаги “Ўзбошимчалик билан эгаллаб олинган ер участкалари ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги Ўзбекистон Республикаси Қонунининг вилоятдаги ижросига бағишланган пресс-тур ўтказилди.

Чиқиндилар масаласи бугун бутун дунё бўйлаб глобал муаммога айланиб қолди. Ҳар йили атроф-муҳитга ва сувга миллионлаб тонна ахлат ташланяпти. Ҳолбуки, ана шу чиқиндиларни қайта ишлаш, хомашё сифатида фойдаланиш мумкин. Афсуски, бу борада ҳали бажарилиши лозим бўлган тадбирлар етарли. Бугун жойларда “Бутунжаҳон тозалик куни” муносабати билан ташкил этилган тадбирларда шу ҳақда таъкидлаб ўтилди.

Ўтган икки кун наманганликлар ҳаётида муҳим воқеларга бой бўлди. Боиси, давлатимиз раҳбари ўзининг вилоятимизга бу галги ташрифида турли соҳаларда олиб борилаётган ислоҳотларни алоҳида эътироф этди. Қувонарли жиҳати шундаки, мазкур ислоҳотларда Ўзбекистон Экологик партиясидан сайланган ишончли вакиллар – депутатларимизнинг ҳам салмоқли ҳиссаси бор.

Асака адирларининг қуйи қисми сув чиқаришга осон бўлгани боис йиллар давомида қишлоқ хўжалигида кенг фойдаланиб келинган. Аммо, унинг юқорисига кўтарилганингиз сари сап-сариқ дашт бағрига кириб борасиз. Минглаб гектар майдонлар сувсизликдан қақраб ётибди. Унда-бунда учрайдиган дарахтларни ҳисобга олмаганда гўёки, бу ерда яшашнинг асло имкони йўқ.

Бугун Фарғона шаҳридаги «Grerat Silk Road Hotel» меҳмонхонасида республика Журналистларни қайта тайёрлаш маркази ва Европа хавфсизлик ва ҳамкорлик ташкилоти томонидан амалга оширилаётган медиасаводхонлик дастури доирасида “Ёшлар медиа саводхонлиги – радикаллашув ва терроризмга қарши курашишда самарали восита” мавзусидаги тренинг ўз ишини бошлади.

Мамлакатимиз мустақиллигининг ўттиз тўрт йиллик тўйи олдидан “Обод ва файзли маҳалла – юрт кўрки” шиори остида ўтказилган умумхалқ хайрия ҳашари Андижон вилоятининг шаҳар ва туманларида галдаги ободончилик тадбирларига йўл очиб берди. Айни тадбирларда вилоят экология, атроф-муҳитни асраш ва иқлим ўзгариши бошқармаси ходимлари ҳам фаол иштирок этмоқдалар.

Маълумки, Ўзбекистон Республикаси Вазирлар Маҳкамасининг тегишли фармойиши билан 22-23 август кунлари мамлакатимизда байрамолди умумхалқ ҳашари ўтказилди. Барча жойда бўлгани каби бу тадбир Наманган вилоятининг энг чекка ҳудуди – Мингбулоқ туманида ҳам уюшқоқлик билан ташкил этилди.